కొండ కోన కోరసు పాడే Konda Kona Chorasu Paade Lyrics - Ananya Bhat, Charan Arjun

కొండ కోన కోరసు పాడే Konda Kona Chorasu Paade Lyrics in Telugu

కొండ కోన కోరసు పాడే
ఊరువాడ గుంపులు గూడే
సత్తెనమ్మ కాడా విన్న
కొత్త పాట పాడనా

నిప్పు నీరు డప్పై మోగే
గాలి ధూళి తాళం వేసే
పెద్ద పెద్ద గమకాలుండని
మట్టిపాటే పాడనా

దేవుడమ్మకు వినబడకుండా
చెట్టులెక్కి పుట్టలనెక్కి
దేశమంతా పరవశమయ్యే
పాట పాడనా… పల్లె పాట పాడనా

కొమ్మల్లో కూసే కోయిల
నాలాగా మారి గుమ్మంలో కూసుందే ఇలా…
గుడిలోనా మోగే గంటలే
స్వరజతులై నాలో ఉప్పొంగే పాటె వరదలా…

ఆటేగా పాటేగా అన్నీ తనతో పాటేగా
కదిలిస్తే కమ్మని రాగాలు
పలకడమూ తనకలవాటేగా…

గలగల పారే నదినాదములా
మిలమిల వెన్నెల వెలుగేదములా
వెదురు కొమ్మలే వేణువులవగా
రెప్పల చప్పుడే తాళం వేయగా

పశుపక్షాదులు ప్రేక్షకులవగా
కనిపించని కవులక్షరమియగా
ఆవుల ఆలికిడి శబ్దమెలయగా
ఆమని పలుకుల అమృతమై

పొద్దున్నే లేచి పొద్దల్లె మెరిసి
అడుగేసినాది ఇటువైపు చూడు చూడు…

పట్టు పావడ గట్టి
పచ్చని పొలమున పరిగెడుతుందమ్మా
ఈ పాటల చిలకమ్మా…

వాగున సాగే నీరు చేసే హోరు
శబ్దంలా మోగే గమకాల పాటమ్మా…

కొండ కోన కోరసు పాడే
ఊరువాడ గుంపులు గూడే
సత్తెనమ్మ కాడా విన్న
కొత్త పాట పాడనా…

అన్నం నీళ్లే అక్కరలేదు
అన్నీ నాకు పాటంట…
నా పాటతోనే ఆ సూర్యుడు కూడా
మేలుకొని కదిలేనంట…

గురువే లేడుగా సపాసాలు
ఎలా అబ్బెనో అమ్మడికి …
చెరువులో చేపలు పశుపక్షులు
పరవశించు ఆగానముకి…

ఏ మూలన పాటలు వినబడినా
పరిగెడుతది పాదం ఉన్న ఫలం…
ఎద నిండా వాటిని నింపుకుని
పురి విప్పుతుంది నా మధుర గళం…

ఏ వేడుక అయినా వేదిక అయినా
వెంటనే గొంతున పాటూరేనా
ప్రాణంతో ఉన్నానని తెలిపే
పరికరం ఒకటే నాకు పాట

గుంపును చూస్తే ఆగదు కాలు
ఇంపుగా పాటతో ఇల నర్తనలు
జడగంటే నాకో రిథమ్ అంటూ
ప్రకృతిలో ప్రతిధ్వని వింటూ

నాతోపాటే పెరిగింది పాట
ఎటు చేర్చుతుందో ఏమో నను ఈ బాటే

గలగల నవ్వున కూడా గజలో విజిలో
వినిపించును చూడు
ఈ పాటల ఊటమ్మా

భారత్ల్య్రిక్స్.కోమ్

మిలమిల మినుగురు లాగా
నలుగురిలోనూ మెరిసేనోయమ్మా
ఈ పాటల పూవమ్మా

కొమ్మల్లో కూసే కోయిల
నాలాగా మారి గుమ్మంలో కూసుందే ఇలా
గుడిలోనా మోగే గంటలే
స్వరజతులై నాలో ఉప్పొంగే పాటె వరదలా.