Hum Dekhenge Lyrics - Various Artists

Hum Dekhenge Lyrics

Hum dekhenge, hum dekhenge,
Lazim hai ke hum bhi dekhenge,
Hum dekhenge, hum dekhenge,

bharatlyrics.com

Wo din ke jis ka vaada hai,
Jo lauh-e-azal mein likha hai, hum dekhenge

Hum bhi dekhenge, hum bhi dekhenge
Jab zulm-o-sitam ke koh-e-garan
Rooyi ki tarah ud jayenge, hum dekhenge

Hum mehkumon ke paon tale,
Ye dharti dhar dhar dharkegi,
Aur ahl-e-hakam ke sar oopar,
Jab bijli kar kar karkegi,

Hum dekhenge. hum dekhenge.
Bas naam rahega allah ka,
Jo gayab bhi hai hazir bhi,
Jo manzar bhi hai nazir bhi,

Utthega an-al-haq ka nara,
Jo main bhi hoon, aur tum bhi ho,
Aur raaj karegi khalq-e-khuda,
Jo main bhi hoon aur tum bhi ho,

Hum dekhenge. hum dekhenge.